Fusha e re e kalçetos te parku i ish Fushës së Aviacionit është gati !
https://www.youtube.com/watch?v=60aNnYZRVco E kërkuan, e bëmë! Fusha e re e kalçetos te parku i ish Fushës së Aviacionit është gati për fëmijët e Njësisë 7. Ishte dëshira e tyre dhe ne e realizuam. Vetëm vitet e fundit kemi shtuar 20 terrene sportive dhe 55 kënde rekreative, e do të vazhdojmë me të njëjtin ritëm për fëmijët e Tiranës.
Shfrytëzojmë motin e ngrohtë për të ripërtërirë bimësinë!
Shfrytëzojmë motin e ngrohtë të këtyre ditëve për të ripërtërirë bimësinë, që me ardhjen e pranverës, gjelbërimi të na shplodhë sytë në çdo pëllëmbë të parkut! Sektori i gjelbërimit, këto ditë i fokusuar në mbjellje bimësie dekorative si dhe përgatitje terreni me hapje gropash, prerje dhe pastrim ferrash në pjesën jugore të Parkut të Madh!
Fushat Multisportive mirëpritën të rinjtë e Special Olimpics Albania!
#SportPaBarriera#LuajmëSëBashku Fushat Multisportive në Parkun e Madh mirëpritën të rinjtë e Special Olimpics Albania në stërvitjen e parë bazë për ushtrim në basketboll dhe futboll! Një mundësi më shumë për të rinjtë që të kultivojnë, rritin e zhvillojnë dashurinë për sportin, vullnetarizmin, jetën!
Elida bashkë me nënën e saj Nailen dhuruan pemën e jetës!
#DhuroPemëPërTiranën#AprBashkiaTiranë Çdo shoqëri ka nevojë për kontributin e dobishëm të qytetarëve të saj! Elida bashkë me nënën e saj Nailen i dhuruan Parkut të Madh pemën e jetës! Dy ullinj të mbjellë pranë e pranë, për t'u rritur e jetuar në dashuri e harmoni me njëri-tjetrin, ashtu si dhe nëna Naile me vajzën e saj! Bashkohu dhe ti me nismën tonë "Dhuro pemë për Tiranën", duke ndjekur linkun: https://aprtirana.al/
Ekipi “Luaj@Tirana” nisi sot riparimet në Sheshin Rekreativ TIKA!
Pas një fundjave të gjatë, plot ndeshje, argëtim dhe energji, ekipi "Luaj@Tirana" nisi sot ndërhyrjen me riparimet dhe zëvendësimin e tabelave basket të dëmtuara në Sheshin Rekreativ TIKA te Parku i Madh! Faleminderit kolegë, që mirëmbani dhe kujdeseni për sheshet rekreative, këndet e lojërave e terrenet sportive, gëzim për fëmijët e të rinjtë e qytetit!
Parku i Madh nën petkun e dëborës
https://youtu.be/bSfMx3HWEUw
Dëbora na mbushi zemrat këtë 14 Shkurt!
Mirëmëngjes të bardhë nga Parku i Madh i Liqenit! Dita e të Dashuruarve s'mund të vinte më e bukur, më e dashur, më e ëmbël se kështu! Dëbora na mbushi zemrat këtë 14 Shkurt!
Mbjellje të reja në Parkun e Madh!
Bëjmë gati terrenin për mbjellje të reja në Parkun e Madh! Me hapjen e gropave nga sektori i gjelbërimit, tashmë pjesa jugore e parkut është gati për t'u mbushur me pemë e bimësi të re!
Këtë Shën Valentin Dhuro pemë për Tiranën!
https://youtu.be/Fki7udz7zv8 #DhuroPemëPërTiranën #AprBashkiaTiranë Për Shën Valentin dhuro një pemë në emër të dashurisë për jetën! Dhuro një kujtim ???? që t'u mbetet brezave!
Faleminderit Monika për kontributin me dy lisa!
#DhuroPemëPërTiranën#AprBashkiaTiranë Dy pemë të reja i shtohen Parkut të Madh të Liqenit, dhuratë nga Monika Hajdini në kujtim të bashkëshortit, Astritit! Faleminderit Monika për kontributin me dy lisa në "Shtegun e qershive" si dhe gjithë qytetarëve për besimin dhe mbështetjen në nismën tonë "Dhuro pemë për Tiranën"! Bashkohu dhe ti me ne, ndiq linkun: https://aprtirana.al/