Misioni i Sweden Alumni Network Albania është të sjellë shembuj të mirë dhe aktivitete të shëndetshme për shoqërinë! A mund të ketë shembull më të vlefshëm se të kujdesesh për natyrën, duke dhuruar pemë për parkun, qytetin, komunitetin ku ti bën pjesë? Këto ditë, anëtarët e bordit Sweden Alumni Network Albania mbollën 7 pemë manjola në Parkun e Madh të Liqenit, duke kontribuar në nismën tonë të madhe për gjelbërimin e qytetit "Dhuro pemë për Tiranën". Faleminderit!

Kupa e pranverës këtë vit u fitua nga ekipi "Teuta", megjithëse jo më pak shkëlqyen edhe vajzat e skuadrave të tjera! Një mini kampionat për të provuar veten, një sfidë, por mbi të gjitha një mundësi më shumë për t'u argëtuar në natyrë, te Fushat Multisportive në Parkun e Liqenit, gjithçka në kuadër të promovimit të basketbollit të vajzave! Suksese në ndeshje të tjera!

Galaktikët në mision! Në Parkun e Madh të Liqenit, por kësaj here jo për ndeshje basketbolli, as për lojëra të tjera që ata i bëjnë aq shpesh atje! Me mision ndërgjegjësimin për mjedisin, galaktikët na u bashkuan në nismën "Dhuro pemë për Tiranën", duke mbjellë tre pemë mimoza, lulja e së cilave cilësohet që sjell lumturinë kolektive, si e para lule që çel në pranverë, si dhe për shkak të aromës saj të fortë e karakteristike! Faleminderit fëmijë për kontributin

#RunForSyndromeDown#BeActive#UnifiedWalk Ndërgjegjësojmë, informojmë dhe promovojmë jetën aktive në mbarë komunitetin pa asnjë dallim! Një e dielë super sot te Parku i Liqenit, bashkë me të rinjtë e Special Olympics Albania. #UnifiedWalk, aktivitete dhe plot lojëra gjithëpërfshirëse tek Fushat Multisportive në disiplinat: Futboll, Basketboll, Volejboll, Badminton, Atletikë etj.

Një dhuratë e bukur, me shumë vlerë dhe mbi të gjitha që i reziston kohës! Në 6 mujorin e Leos, babi Titi dhe mami Vjola mbollën sot në Parkun e Madh një pemë panjë, e cila mishëron bukurinë e jetës, fuqinë dhe dashurinë! Kush dëshiron të na bashkohet në nismën tonë "Dhuro pemë për Tiranën", të ndjekë linkun:https://aprtirana.al/

“Rizbulojmë Parkun” së bashku me arkitektin Andi Papastefani! Ecje në një nga veprat më të bukura të arkitekturës landscape, por edhe ekspozitë me punime të studentëve, me peisazhet dhe veprat e artit që gjenden në Parkun e Pallatit të Brigadave, një monument i trashëgimisë kulturore me interes të veçantë për studiuesit, historianët, arkitektët dhe vizitorët e shumtë ndër vite!

Performanca e parë në bisedkën-teatër te Parku i Madh! Këngë e vjersha nga fëmijët e kopshtit për shokët dhe shoqet e tyre. Argëtimit pa limit nëpër lëndinat e gjelbëruara i janë shtuar tashmë edhe mini shfaqjet e përgatitura nga vetë ata me ndihmën e edukatoreve. Orët në park janë më të dashurat për vogëlushët!

Një pemë ulliri, buzë rruge, që ta ketë ndër sy në çdo shëtitje të saj në Parkun e Madh! Dhurata më e bukur që mund t'i bësh parkut është ta mbushësh me pemë, gjelbërim, oksigjen! Faleminderit Shegush për kontributin në nismën tonë! Kush dëshiron të na bashkohet, të ndjekë linkun:https://aprtirana.al/