Ekipi i Emergjencave, në gatishmëri për të përballuar problemet e shkaktuara nga stuhia!
Ekipi i Emergjencave, në gatishmëri për të përballuar problemet e shkaktuara nga stuhia! Zhbllokohet rruga "Kuvajt" dhe pastrohet zona te Fakulteti i Gjeologji Minierave nga pemët e rrëzuara. Vijon puna për largimin e degëve e mbetjeve të krijuara nga rrëzimi i pemëve brenda Parkut të Madh!
Përmbyllëm me sukses kampin veror 2021!
Përmbyllëm me sukses kampin veror 2021 në Parkun e Madh të Liqenit! Çdo vit e më shumë miq të rinj, lojëra, njohuri, aktivitete dhe emocione. Do të na mungojnë të gjithëve këto ditë të mbushura me gaz e hare mes fëmijëve, të cilët u argëtuan kaq shumë në natyrën e bukur të parkut!
Ruajmë traditat, promovojmë artizanatin, mbështesim komunitetin!
Ruajmë traditat, promovojmë artizanatin, mbështesim komunitetin! Bashkë me Drejtorinë e Integrimit Evropian dhe Projekteve të Huaja si dhe banorë të Farkës organizuam në Parkun Helen "Zeje n'zon", një pasdite kushtuar poçarisë, prodhimit dhe dekorimit të enëve të baltës, një zanat që vijon të ruhet ndër shekuj në zonë si një vlerë e trashëguar brez pas brezi! Përpos demostrimit nga mjeshtrit e këtij zanati në zonë, me këtë rast shijuam dhe ritmet e Bandës së Qytetit, si dhe varkat në liqen
“Më Gjej” në Parkun e Madh të Liqenit!
"Më Gjej", në Parkun e Madh të Liqenit! Adenisa zgjodhi këndin më të ri rekreativ në park, te fushat e tenisit, për të prezantuar punimet e saj individuale në mbrojtjen e diplomës së Masterit, dega Pikturë Monumentale. Në kërkim të një kujtimi të bukur që nga fëmijëria, studentja e Fakultetit të Arteve të Bukura mori përgëzimet e komisionit të profesorëve, me 6 instalacione prej guri të punuara prej saj, të cilat qëndronin aq bukur qoshkëzave të gjelbëruara të këndit sportiv
Ferma e Kafshëve” çeli siparin e ditëve të saj në Amfiteatrin e Tiranës!
Teatër në Amfiteatër! Ju kishte munguar e qeshura, emocionet dhe interpretimi i aktorëve të teatrit? "Ferma e Kafshëve", një komedi satirë me nota muzikali, super shfaqja premierë e Teatrit Kombëtar sapo ka çelur siparin e ditëve të saj në Amfiteatrin e Tiranës. Jeni të mirëpritur!
Një pemë ulliri iu dhurua Parkut të Madh të Liqenit nga Student Inc!
Një pemë ulliri, simbol i jetëgjatësisë, shpresës, paqes dhe begarisë iu dhurua Parkut të Madh të Liqenit nga studentët themelues të kompanisë së parë studentore Student Inc. E krijuar për të stimuluar frymën e sipërmarrjes mes të rinjve nëpërmjet modeleve të suksesit, Student Inc. është një nismë e mbështetur nga "EU for innovation". Për t'u bashkuar me ne në nismën "Dhuro pemë për Tiranën", ndiq linkun: https://aprtirana.al/
Ka mbetur fare pak, derisa kopshti japonez të jetë gati!
Ka mbetur fare pak, derisa kopshti japonez në hyrje të qytetit të jetë gati! Pas gërmimeve, nivelimit, largimit të dherave dhe kompozimit të gurëve masivë, te rrethrrotullimi në Sauk vijon puna me trajtimin me nënshtresa specifike për parandalimin e rrëshqitjes së terrenit. Në sipërfaqen 556 m² të rrethrrotullimit janë konceptuar 5 ishuj me bimësi dekorative të konturuara me gurë masivë dhe bimësi të ulët dekorative.
Kampi veror mirëpret fëmijët nga data 1 -31 Korrik!
Sezoni i nxehtë i verës kalohet për mrekulli tek Parku i Liqenit, nën hijet e pemëve dhe flladet freskuese, në kampin më argëtues të verës! Kampi veror, nga data 1-31 Korrik mirëpret fëmijët në aktivitetet e shumta argëtuese! #tiranaisopen #TiranaEuropeanYouthCapital2022
Nisma “Dhuro një stol” vijon të ketë mbështetjen e qytetarëve!
Krenarë! Nisma "Dhuro një stol" vijon të ketë mbështetjen e qytetarëve, si në ditët e para të saj! Sot, në Parkun e Madh u vendosën edhe 3 stola të rinj me dedikim, të dhuruar nga aleatët tanë më të mëdhenj, miq të natyrës dhe dashamirës të punës sonë në park! Mirënjohje të gjithëve! #DhuroNjëStol #AprBashkiaTiranë
Fusha e futbollit në rikonstruksion deri në muajin shtator!
Fusha e futbollit, më e kërkuara për të kaluar kohën e lirë! Për të gjithë ju miq që na shkruani mbi pamundësinë e rezervimit të Fushës së Futbollit në Parkun e Madh të Liqenit, siç kemi njoftuar edhe në faqen zyrtare të APR, ju bëjmë me dije se fusha është në rikonstruksion, proces i cili do të zgjasë deri në muajin Shtator, kur të jetë shtruar totalisht tapeti i ri i barit natyral si dhe të kenë mbaruar të gjitha