Pesë pemë likuidambër iu dhuruan Parkut të Madh të Liqenit nga PricewatershouseCoopers (PwC) Shqipëri, një ndër kompanitë më të rëndësishme të konsulencës financiare dhe fiskale! Mirënjohje kompanisë dhe të rinjve që në emër të saj mbollën pemët me kujdes dhe dashuri në park! Faleminderit miq të parkut!

Fryma olimpike zbret në Tiranë, kryeqytetin që e do dhe e mbështet sportin! Edhe APR, si një institucion që e nxit dhe promovon atë, ndihmoi në aktivitetin e organizuar nga Komiteti Olimpik Kombëtar Shqiptar, me rastin e vizitës së Presidentit të Komitetit Olimpik Ndërkombëtar (IOC), Thomas Bach në Tiranë, në ditën e vlerave olimpike. Të gjithë së bashku, më shumë për sportin!

Treni elektrik i Zoo Park Tirana mirëpret vizitorët! Një tjetër atraksion i shtohet kështu Kopshtit Zoologjik, duke e bërë vizitën e vogëlushëve edhe më mbresëlënëse. Së bashku me prindërit, gjyshërit apo mësueset, fëmijët në fillim mund të kundrojnë kafshët e shpendët, më pas të luajnë e argëtohen te këndet e lojërave dhe në fund, një xhiro me tren për ta përmbyllur në mënyrën më të bukur vizitën në Zoo Park Tirana!

Bashkë me ambasadorin e Britanisë së Madhe, Alastair King-Smith dhe të dërguarin e Posaçëm të Mbretërisë së Bashkuar në Ballkanin Perëndimor, Sir Stuart Peach, ndezëm dje në mbrëmje “Fenerin Jubilar” në Varrezat e Dëshmorëve në nder të Jubileut të Platintë të Madhërisë së Saj, Mbretëreshës Elizabeta II.

Gazsjellësi Trans Adriatik (TAP) i dhuroi Parkut të Madh të Liqenit 10 pemë rrap, në Ditën e Mjedisit! Faleminderit TAP, mirënjohje gjithësecilit që përqafoi nismën tonë "Dhuro pemë për Tiranën"! Nëse edhe ti dëshiron të na bashkohesh, kliko në: https://aprtirana.al/

Nisur nga interesimi i madh i qytetarëve për të vizituar Zoo Park Tirana, bëjmë me dije se: Zoo Park Tirana është i hapur nga e Marta në të Dielë, ora 09:00-20:00. Hyrja e fundit në Zoo Park Tirana është në ora 19:30. Biletaria mbyllet në orën 19:30. Gjatë javës, ora 14:30-16:30 si dhe ditën e Hënë, Zoo Park Tirana është i mbyllur. Për më shumë informacion: [email protected]

Tiranës i shtohet një tjetër xhevahir i ri! Me Kryeministrin Edi Rama, në hapjen e madhe të Tirana Zoo Park. Një hapësirë fantastike për gjithë fëmijët! Ta gëzoni!