Në shtator, me fillimin e shkollës do të nisim dhe klasat për mësimin e rregullave të qarkullimit rrugor te Akademia e Çiklizmit. Pista e biçikletave ka mbaruar, lodrat janë montuar, instruktorët janë trajnuar, biçikletat gati

Kur nisëm idenë e Tirana Kryeqyteti Evropian i Rinisë 2022 , ishim të bindur se rinia evropiane është në mesin tonë, në Tiranë e gjithandej ku frymojmë shqip. Sunny Hill Festival provoi që mund të organizojmë festivale masive me artistë vendas e të huaj! Faleminderit nga zemra policëve, pastruesve e vullnetarëve për punën!

Dy net festival, mijëra të ftuar, parku ndrin! Mirënjohje kolegëve të terrenit për gadishmërinë, që pas çdo mbrëmjeje festive të nisnin menjëherë me pastrimet, rregullimet dhe sistemimet e nevojshme në park. Punë në grup, punë e paqme, rezultate të kënaqshme! Gati për sonte, na pret një natë e gjatë që do të ndizet nga muzika, kërcimi dhe emocione të paharrueshme!

Me Dukagjin Lipa dhe super grupin e Sunny Hill Festival jemi gati për Stormzy, MC Kresha, Ledri Vula , Lyrical Son , Asgje sikur dielli etj, për natën e fundit të 3 ditëve magjike me Sunny Hill Festival Tiranaaaaa.

Parku i liqenit të Farkës - i dyti më i madhi në Tiranë, pas atij të Liqenit Artificial. Sot kemi një atraksion të ri për turizmin në kryeqytet dhe mezi pres ta rivitalizojmë përmes një projekti të ri transformimi, duke e vënë kështu parkun në funksion edhe të aktiviteteve sportive.

Shumë i lumtur për gjithë punën që po bëhet në Farkë, për transformimin e plotë të infrastrukturës së saj, duke filluar me hapësirat çlodhëse e rekreative, korsinë e biçikletave dhe pistën e vrapimit.

Siguria e fëmijëve, e para! Zona e dedikuar vetëm për vogëlushët te Parku Rinia do të jetë e mbyllur nga nesër pasi po punojmë për të zëvendësuar shtresën e dëmtuar të tartanit. Ndërkohë, gjatë këtyre ditëve të dashur fëmijë ju mund të luani dhe argëtoheni në hapësirat e tjera të parkut, po aq të dashura për ju.Këndi i Lodrave do të hapet para nisjes së shkollës. Ne besojmë dhe shpresojmë në mirëkuptimin qytetar!