Gështenja e egër është një prej pemëve më të bukura gjatë pranverës me lulet e saj të mëdha e të bardha në formë shandani. Etleva zgjodhi ta mbjellë këtë pemë në Parkun e Madh të Liqenit për të përjetësuar kujtimin e bashkëshortit, që ndërroi jetë pak kohë më parë. Faleminderit Etleva dhe familja Bregu që u bëtë pjesë e nismës "Dhuro pemë për Tiranën"!

Pemë për 8 Mars! Në ditën e gruas, 8 marsit, në simbol të jetës dhe së ardhmes, stafi i vajzave dhe grave pranë Agjencisë Kombëtare të Ushqimit dhuruan 18 pemë për qytetin e Tiranës. Një kontribut jo vetëm për shtimin e gjelbërimit në kryeqytet por edhe si shenjë e jetës që figura e gruas mban. Faleminderit Ministres Frida Kifca dhe stafit të Autoritetit Kombëtar të Ushqimit!

 Si simbol i jetës dhe i së ardhmes, kompania shqiptaro – ukrainase “Ukrartwoods” zgjedh të dhurojë 260 drurë për parkun e Farkës. Një kontribut jo vetëm për shtimin e gjelbërimit në kryeqytet por edhe si shenjë mirënjohje dhe vlerësim për angazhimin e qytetit për ndihmën e ofruar për popullin e Ukrainës në këtë vit të vështirë.

+500 pemë i shtohen parkut të Pezës. Së bashku me gjimnazistët për të aritur mision e përbashkët, pemën e 1.000.000! Tirana mbushet dita-ditës me pemë të dhuruara nga qytetarë që besojnë se të gjithë nga pak mund të bëjmë shumë për qytetin tonë!

Tirana Qyteti Europian i Sportit mirëpriti garën "Tirana Cross Country 2023"! 200 nxënës të shkollave 9-vjeçare të Tiranës garuan në disiplinën Olimpike “Cross Country” të Biçikletave Malore “Mountain Bike”, duke u bërë pjesë e aktivitetit masiv të çiklizmit, që u zhvillua këtë fundjavë në Parkun e Madh të Liqenit të Tiranës.

Një tjetër orë çiklizmi në shkollën 9- vjeçare "Edith Durham", ku u pajisën me certifikata 150 nxënës të klasave të 5-ta. Së bashku me GIZ Albania, fëmijëve u mësuam fillimisht bazat në teori, ndërsa më pas u ushtruan me biçikletë, duke mësuar gjithashtu rëndësinë e sigurisë dhe sinjalistikës rrugore. Klasat janë pjesë e parapërgatitjes për Akademinë e ardhshme të Çiklizmit që do të hapet në Parkun e Madh të Liqenit

  “Rosa Mandarinë” (Aix galericulata), që vlerësohet nga vëzhguesit e zogjve si një nga shpendët më të bukur në botë është një vizitore shumë e rrallë edhe në Shqipëri. Dimrin e këtij viti vetëm një specie është shfaqur në Liqenin Artificial të Tiranës duke bashkëjetuar me rosat e tjera. Studiuesi i shpendëve mendojnë se "Rosa mandarin" mund të jetë shkëputur nga ndonjë rezervat i ruajtur natyror në vendet e rajonit nga ku ka ardhur në Shqipëri. “Rosa Mandarinë” është me prejardhje nga Azia

  27 Janari është dita e çdo profesionisti në fushën e pyjeve, inxhinier, teknik a inspektor pyjesh dhe secili prej tyre meriton vlerësimet më të mira për kontributin e tyre të vyer ndër vite në shërbim dhe mbrojtje të mjedisit! Në 100 vjetorin e Shërbimit Pyjor Shqiptar nderuam me "Certifikatë Mirënjohje" tre inxhinierë dhe një teknik pyjesh, përkatësisht: Ing. Elona Dosti, ing. Ahmet Abazi, ing. Petrit Hoxha dhe tekniku Edlir Gjata. Gëzuar këtë ditë të rëndësishme për çdo inspektor, inxhinier e profesionist që