Jemi gati për 1 Qershorin? Do jetë një festë e paparë te Kopshti i ri Zoologjik!
https://youtu.be/ZsXRHZe72eI Edhe paaaaak fare kalamaja! Jemi gati për 1 Qershorin? Do jetë një festë e paparë te Kopshti i ri Zoologjik!Ja, shikojeni vetë çfarë kemi përgatitur. Do bëjmë shumë qejf!
Një pemë ulliri i shtohet Parkut të Liqenit!
"Jetëgjatë të bashkuar e të bekuar ashtu si kjo pemë qofshi përjetë bijtë tanë"! Një dedikim i bukur dhe kuptimplotë nga mami Eralda dhe babi Rexhep për të vegjlit e tyre në ullirin që e gjithë familja mbolli në Parkun e Madh të Liqenit. Faleminderit që iu bashkuat nismës sonë "Dhuro pemë për Tiranën"!
Sweden Alumni Network dhuroi 9 pemë shege!
Një vit pas mbjelljes së 7 manjolave, Sweden Alumni Network Albania rikthehet sërish në Parkun e Liqenit me 9 pemë shege! Përfaqësuesit e rrjetit profesional të drejtuar këtë vit nga Ardit Gabili zgjodhën që këtë fundjavë t'ia kushtojnë mbjelljes së pemëve në park, duke dhënë shembullin konkret në dobi të shëndetit dhe cilësisë së jetës për komunitetin! Faleminderit SANA, që çdo herë jeni pranë nesh!
Center Act for Society dhuroi dy pemë Ulliri për Parkun e Liqenit!
Në Ditën e Familjes, Center ACT for SOCIETY zgjodhi të mbjellë në park dy pemë Ulliri, duke iu bashkuar familjes së madhe të Tiranës në nismën e bukur dhe të shumëpërkrahur "Dhuro pemë për Tiranën"! Faleminderit për dhuratën tuaj në këtë ditë të shënuar për familjen dhe vlerat e saj si njësia bazë e shoqërisë!! Gëzuar Ditën e Familjes!