Parku i Madh i Liqenit Artificial destinacioni i preferuar për kryeqytetasit në fundjavë

Parku i Liqenit mbetet një nga destinacionet më të frekuentuara përgjatë fundjavës edhe në këto ditë dimri, veçanërisht nga fëmijët të cilët eksplorojnë mundësi pafund për argëtimin  e tyre. Shëtitje në natyrë, lojëra në këndin e fëmijëve, hapësirë për të lexuar, lojërat për të rritur tek fushat multisportive, dhe shumë mundësi të tjera për tu kënaqur gjenden pikërisht këtu. Në çdo orë të ditës do të gjeni plot njerëz që zgjedhin pikërisht këtë hapësirë për të vrapuar apo ecur apo thjesht për të kaluar momente relaksi e qetësie.