E konceptuar si një hapësirë sportive dhe rekreative, Fushat Multisportive në Parkun e Madh të Liqenit përdoren për zhvillimin e aktiviteteve të ndryshme si; aerobi, crossfit, joga, kampionate futbolli, regbi dhe mbi të gjitha për ndeshje futbolli, për këdo që organizohet në skuadra dhe ka dëshirë të zgjedhë Parkun e Liqenit për të zhvilluar një ndeshje mes miqsh. Si promotore e jetesës së gjelbër dhe aktive, Agjencia e Parqeve dhe Rekreacionit – Bashkia Tiranë menaxhon dhe mirëmban këtë ambient, që shërben jo vetëm për të rriturit, por edhe për argëtimin e fëmijëve.
Fushat Multisportive te Parku i Madh i Liqenit kanë një sipërfaqe në total prej 3770 m2.