logo tio png

APP google playAPP ios

Aplikacioni “Tirana Ime Outdoor” (TIO) shërben si një udhërrëfyes me informacione të detajuara mbi destinacione natyrore dhe shtigje në harta orientuese për të pasionuarit pas ecjes, ngjitjes dhe pedalimit.

Prakticiteti i aplikacionit TIO qëndron në menunë e thjeshtë, të ilustruar qartë dhe të përshtatur për sistemet Android e IOS. TIO, i cili vjen në gjuhën shqipe dhe angleze, është një çelës publik e pa pagesë, që ndihmon hyrjen në një botë të mrekullueshme outdoor dhe të afron me një stil të ri jetese.

Qëllimi i Tirana Ime Outdoor është të zgjojë kureshtjen mbi mundësitë e pafundme që Tirana, tashmë 25 herë më e madhe, fsheh në rrethinat kodrinore e malore, në Kurorën e Gjelbër ku zbulon liqene e panorama mbresëlënëse, komunitete rurale, shije kulinaristike e hire etnografike të harruara. Ekipi APR që punon për TIO, ditë pas dite e gjurmë pas gjurme, i ka prekur informacionet që ofron ky aplikacion duke sjellë një përjetim të vërtetë në një format virtual.