Koncept britanik, art japonez, iniciativë zviceriane, angazhim shqiptar – të gjitha këto së bashku e bëjnë RENE një art monumental dhe hapësirën më të re kulturore në Tiranë.

“Reja”, pavioni i galerisë“Serpentine” për vitin 2013 është projektuar nga arkitekti japonez dhe fitues i shumë çmimeve, Sou Fujimoto. Ai është arkitekti i trembëdhjetë dhe – duke qenë se është41 vjeç -, arkitekti më i ri, i cili pranoi ftesën për të projektuar një strukturë të përkohshme për galerinë“Serpentine”.

Si programi më ambicioz arkitekturor i llojit të vet në mbarë botën, ngritja e pavionit të përvitshëm të galerisë “Serpentine”është një nga ngjarjet më të shumëpritura të kalendarit kulturor në botë. Pavionet e mëparshme kanë përfshirë projekte nga Herzog & de Meuron dhe Ai Weiwei (2012), Frenk Gehry (2008), Oscar Niemeyer (2003) dhe Zaha Hadid, e cila projektoi strukturën e parë të këtij pavioninë vitin 2000.

Arkitekti Danez Bjarke Ingles do të projektojë pavionin e këtij viti (2016),i cili do të hapet për publikun në 10 qershor 2016.

I frymëzuar nga struktura organike, siç janë pyjet, ndërtesat më të njohura të projektuara nga Fujimoto enden mes natyrës dhe artificiales. Shumica e ndërtimeve që ka projektuar Fujimoto janë në Japoni. Ato përfshijnëobjekte private, si ‘Final Wooden House’, ‘T House’ ose ‘House N’, si dhe objekte institucionale, si Muzeumi i Artit “Musashino” dhe Biblioteka pranë Universitetit të Arteve “Musashino”.Fujimoto është arkitekti i tretë japonez, i cili pranoi ftesën të krijojë pavionin e radhës në galerinë “Serpetine”, në vijim të fituesve të çmimit Pritzker, Toyo Ito,në vitin 2002, dhe Kazuyo Sejima e Ryue Nishiza të SANAA, në vitin 2009.

Për më shumë informacion:

Read more